Lowest Majority MLAs AP: ఆంధ్ర ప్రదేశ్ లో అత్యల్ప మెజారిటీ తో గెలిచిన MLA లు ఎవరంటే?
అత్యల్ప మెజారిటీ తో గెలిచిన MLA లు ఎవరు ఆ అదృష్టం ఎంత మెజారిటీ తో వచ్చిందో చూద్దాం…ఎన్నికల్లో వేలాది, లక్షల ఓట్ల మెజారిటీతో గెలిచిన నాయకుల గురించి తరచూ వింటుంటాం. కానీ కొన్ని నియోజకవర్గాల్లో ఫలితం చివరి రౌండ్ వరకు ఉత్కంఠ రేపుతుంది. వంద ఓట్లు కాదు.. కొన్ని సందర్భాల్లో కేవలం పదుల ఓట్ల తేడాతోనే అభ్యర్థులు ఎమ్మెల్యేలుగా ఎన్నికయ్యారు. Election Commission of India ఎన్నికల గణాంకాలను పరిశీలిస్తే 1983 నుంచి 2024 వరకు జరిగిన ఆంధ్రప్రదేశ్ అసెంబ్లీ ఎన్నికల్లో ప్రతి ఎన్నికలోనూ కొన్ని అత్యంత ఉత్కంఠభరిత పోటీలు కనిపిస్తాయి. వాటిలో ప్రతి ఎన్నికలో నమోదైన అత్యల్ప గెలుపు మెజారిటీ వివరాలు ఇవి.
1983: నాగర్‌కర్నూల్‌లో కేవలం 52 ఓట్లు
1983 ఉమ్మడి ఆంధ్రప్రదేశ్ అసెంబ్లీ ఎన్నికల్లో అత్యంత తక్కువ మెజారిటీ నాగర్‌కర్నూల్‌లో నమోదైంది. కాంగ్రెస్ అభ్యర్థి వి.ఎన్. గౌడ్ 22,342 ఓట్లు సాధించగా, స్వతంత్ర అభ్యర్థి ఎన్. జనార్ధన్ రెడ్డికి 22,290 ఓట్లు వచ్చాయి. ఇద్దరి మధ్య తేడా కేవలం 52 ఓట్లు మాత్రమే. 294 నియోజకవర్గాల్లో ఇదే అత్యల్ప మెజారిటీగా నమోదైంది.
1985: శ్రీకాళహస్తిలో 80 ఓట్లే తేడా
1985 ఎన్నికల్లో శ్రీకాళహస్తి నియోజకవర్గం రాష్ట్రవ్యాప్తంగా ఉత్కంఠ రేపింది. టీడీపీ అభ్యర్థి సత్రవాడ మునిరామయ్యకు 46,721 ఓట్లు రాగా, కాంగ్రెస్ అభ్యర్థి తాటిపర్తి చెంచురెడ్డికి 46,641 ఓట్లు వచ్చాయి.
మెజారిటీ కేవలం 80 ఓట్లు.
1989: కూచినపూడిలో 56 ఓట్ల విజయం
1989 ఎన్నికల్లో కూచినపూడి నియోజకవర్గంలో టీడీపీ అభ్యర్థి ఇవురి సీతారామమ్మ అత్యంత స్వల్ప ఆధిక్యంతో విజయం సాధించారు. విజేత, రన్నరప్ మధ్య తేడా కేవలం 56 ఓట్లు. ఆ ఎన్నికల్లో మొత్తం 294 నియోజకవర్గాల్లో ఇదే అత్యల్ప మెజారిటీ.
1994: మైదుకూరులో 28 ఓట్ల సంచలనం
1994 ఎన్నికల్లో మైదుకూరు ఫలితం అత్యంత ఉత్కంఠభరితంగా మారింది. కాంగ్రెస్ అభ్యర్థి డి.ఎల్. రవీంద్ర రెడ్డి కేవలం 28 ఓట్ల మెజారిటీతో విజయం సాధించారు. లక్షకు దగ్గరగా ఓట్లు పోలైన నియోజకవర్గంలో చివరకు ఎమ్మెల్యేను నిర్ణయించిన తేడా 28 ఓట్లు మాత్రమే కావడం విశేషం.
1999: పోలవరంలో కేవలం 24 ఓట్లు
1999 ఉమ్మడి ఆంధ్రప్రదేశ్ ఎన్నికల్లో పోలవరం నియోజకవర్గంలో అసాధారణ ఫలితం నమోదైంది. టీడీపీ అభ్యర్థి వంక శ్రీనివాసరావు 47,796 ఓట్లు సాధించగా, కాంగ్రెస్ అభ్యర్థి బడిస దుర్గారావుకు 47,772 ఓట్లు వచ్చాయి. తేడా కేవలం 24 ఓట్లు.
2004: లక్సెట్టిపేటలో 166 ఓట్లు
2004 అసెంబ్లీ ఎన్నికల్లో లక్సెట్టిపేట నియోజకవర్గంలో కాంగ్రెస్ అభ్యర్థి నడిపెల్లి దివాకర్ రావు 60,530 ఓట్లు సాధించారు. టీడీపీ అభ్యర్థి గోనె హనుమంతరావుకు 60,364 ఓట్లు వచ్చాయి. దీంతో కాంగ్రెస్ అభ్యర్థి కేవలం 166 ఓట్ల మెజారిటీతో గెలిచారు.
2009: నెల్లూరు సిటీలో 90 ఓట్లు
2009 ఎన్నికల్లో నెల్లూరు సిటీ ఫలితం చివరి వరకు ఉత్కంఠ రేపింది. ప్రజారాజ్యం పార్టీ అభ్యర్థి ముంగమూరు శ్రీధర కృష్ణారెడ్డికి 36,103 ఓట్లు రాగా, కాంగ్రెస్ అభ్యర్థి అనిల్ కుమార్ పోలుబోయినకు 36,013 ఓట్లు వచ్చాయి.
గెలుపు తేడా కేవలం 90 ఓట్లు.
2014: మంగళగిరిలో చరిత్ర.. కేవలం 12 ఓట్లు
విభజన తర్వాత జరిగిన 2014 ఆంధ్రప్రదేశ్ అసెంబ్లీ ఎన్నికల్లో అత్యంత సంచలన ఫలితం మంగళగిరిలో నమోదైంది. వైఎస్సార్‌సీపీ అభ్యర్థి ఆళ్ల రామకృష్ణారెడ్డి టీడీపీ అభ్యర్థిపై కేవలం 12 ఓట్ల తేడాతో విజయం సాధించారు. 1983 నుంచి పరిశీలించిన ఈ ఎన్నికల్లో ఇదే అత్యల్ప గెలుపు మెజారిటీ. ఒక చిన్న కుటుంబంలో ఉండే ఓటర్ల సంఖ్యకంటే కూడా తక్కువ ఓట్ల తేడాతో ఎమ్మెల్యే ఎన్నిక కావడం మంగళగిరి పోటీ ప్రత్యేకత.
2019: విజయవాడ సెంట్రల్‌లో 25 ఓట్లు
2019 ఎన్నికల్లో విజయవాడ సెంట్రల్ నియోజకవర్గం చివరి వరకు నరాలు తెగే ఉత్కంఠను కలిగించింది. వైఎస్సార్‌సీపీ అభ్యర్థి మల్లాది విష్ణు టీడీపీ అభ్యర్థి బోండా ఉమామహేశ్వరరావుపై కేవలం 25 ఓట్ల తేడాతో విజయం సాధించారు. 175 నియోజకవర్గాల్లో ఇదే అత్యల్ప మెజారిటీ.
2024: మడకశిరలో 351 ఓట్లు
2024 ఆంధ్రప్రదేశ్ అసెంబ్లీ ఎన్నికల్లో అత్యల్ప మెజారిటీ మడకశిర ఎస్సీ నియోజకవర్గంలో నమోదైంది. టీడీపీ అభ్యర్థి ఎం.ఎస్. రాజుకు 79,983 ఓట్లు రాగా, వైఎస్సార్‌సీపీ అభ్యర్థి ఎస్.ఎల్. ఇరలక్కప్పకు 79,632 ఓట్లు వచ్చాయి. మెజారిటీ 351 ఓట్లు మాత్రమే.
Lowest Majority MLAs AP: అత్యల్ప మెజారిటీల జాబితా
1983 – నాగర్‌కర్నూల్ – 52 ఓట్లు
1985 – శ్రీకాళహస్తి – 80 ఓట్లు
1989 – కూచినపూడి – 56 ఓట్లు
1994 – మైదుకూరు – 28 ఓట్లు
1999 – పోలవరం – 24 ఓట్లు
2004 – లక్సెట్టిపేట – 166 ఓట్లు
2009 – నెల్లూరు సిటీ – 90 ఓట్లు
2014 – మంగళగిరి – 12 ఓట్లు
2019 – విజయవాడ సెంట్రల్ – 25 ఓట్లు
2024 – మడకశిర – 351 ఓట్లు
రికార్డు ఎవరిది?
ఈ కాలంలో అత్యంత తక్కువ మెజారిటీతో గెలిచిన రికార్డు ఆళ్ల రామకృష్ణారెడ్డి పేరుపై ఉంది. 2014 మంగళగిరి ఎన్నికల్లో ఆయన గెలుపు తేడా కేవలం 12 ఓట్లు. ఆ తర్వాత 1999 పోలవరంలో 24 ఓట్లు, 2019 విజయవాడ సెంట్రల్‌లో 25 ఓట్లు, 1994 మైదుకూరులో 28 ఓట్ల మెజారిటీ నమోదయ్యాయి.
Read also: AP Highest Majority MLAs: 1983 నుంచి అత్యధిక మెజారిటీతో గెలిచిన ఎమ్మెల్యేలు https://studioonenews.com/andhra-pradesh/ap-highest-majority-mlas-elections/
ఈ ఫలితాలన్నీ ఒక విషయాన్ని స్పష్టంగా చెబుతున్నాయి — ఎన్నికల్లో ఒక్క ఓటు కూడా నిర్లక్ష్యం చేయలేనంత విలువైనది.
https://en.wikipedia.org/wiki/Andhra_Pradesh_Legislative_Assembly
