AP Municipal Elections 2026:
AP Municipal Elections 2026: ఆంధ్రప్రదేశ్‌లో పట్టణ స్థానిక సంస్థల ఎన్నికల వేడి పెరుగుతోంది. తెలుగుదేశం పార్టీ 36 మంది అభ్యర్థులతో తొలి జాబితాను విడుదల చేసింది. ఇందులో ఏడు మున్సిపల్ కార్పొరేషన్లకు మేయర్ అభ్యర్థులు, 26 మున్సిపాలిటీలు, మూడు నగర పంచాయతీలకు ఛైర్‌పర్సన్ అభ్యర్థులను ప్రకటించింది. ఈ జాబితాలో మహిళలు, బీసీలు, యువతకు ప్రాతినిధ్యం కల్పించింది.
ఏడు కార్పొరేషన్ల మేయర్ అభ్యర్థులు వీరే
- విశాఖపట్నం: డాక్టర్ ముక్కా శ్రావణి
- విజయనగరం: అవనపు భార్గవి
- కర్నూలు: విజయ ప్రత్యూష
- కడప: డాక్టర్ నెల్లటూరి సువర్ణ
- నెల్లూరు: పోలబోయిన రూప్ కుమార్
- తిరుపతి: మన్నె శ్రీనివాస ప్రసాద్
- చిత్తూరు: కటారి హేమలత
ఏడు కార్పొరేషన్లలో ఐదుగురు మహిళలను మేయర్ అభ్యర్థులుగా ఎంపిక చేశారు. విశాఖపట్నం, విజయనగరం జనరల్ మహిళా స్థానాల్లో బీసీ వర్గాలకు చెందిన అభ్యర్థులను నిలబెట్టడం గమనార్హం.
మున్సిపాలిటీలు, నగర పంచాయతీల అభ్యర్థుల పూర్తి జాబితా
టీడీపీ ప్రకటించిన మిగిలిన 29 మంది ఛైర్‌పర్సన్ అభ్యర్థుల వివరాలు ఇవే.
- ఆళ్లగడ్డ: అనీషా షేక్
- అద్దంకి: కాకాని అశోక్
- ఆదోని: నాగమణి
- ఆత్మకూరు (నంద్యాల): డాక్టర్ గోవిందరాజులు
- బద్వేలు: సోమశిల దివ్య తేజ
- బొబ్బిలి: రేణుకాదేవి స్వప్న
- దాచేపల్లి: తంగెళ్ల శ్రీనివాసరావు
- ధర్మవరం: పరిస సుధాకర్
- గురజాల: నేలవల్లి బొల్లయ్య
- హిందూపురం: పి.ఎస్. మంజునాథ్
- ఇచ్చాపురం: ఆసి లీలారాణి
- జగ్గయ్యపేట: నరేంద్రుల వినీత
- జమ్మలమడుగు: చాడిపిర్ల జ్యోతి
- కమలాపురం: గొంగిలిరెడ్డి స్వప్న
- కుప్పం: ఎస్. రాజకుమార్
- మాచర్ల: ఏనుముల సుష్మ
- మదనపల్లె: శ్రీరామ్ చిన్నబాబు
- మార్కాపురం: వక్కలగడ్డ మల్లికార్జున
- నగరి: శ్రీనివాసన్
- పలాస–కాశీబుగ్గ: వజ్జా గంగాభవాని
- పెద్దాపురం: వత్సవాయి ఎల్.ఎస్.ఎన్. రాజు
- పెనుకొండ: త్రివేంద్ర మూర్తి
- పులివెందుల: తుగుట్ల గీతాకుమారి
- రాజంపేట: డాక్టర్ దొంతం గాయత్రి
- రామచంద్రాపురం: మేడిశెట్టి శేషారావు
- రాయచోటి: షేక్ ఖాదర్ వలీ
- రాయదుర్గం: టంకశాల హనుమంతు
- రేపల్లె: కె. అపర్ణ
- సూళ్లూరుపేట: పిట్టల సుహాసిని
మహిళలకు 53 శాతం స్థానాలు
తొలి జాబితాలో 36 మంది అభ్యర్థుల్లో 19 మంది మహిళలున్నారు. మొత్తం అభ్యర్థుల్లో మహిళల వాటా సుమారు 53 శాతం.
మహిళలకు రిజర్వు చేసిన 17 స్థానాలతో పాటు మరో రెండు స్థానాల్లోనూ మహిళలకు అవకాశం కల్పించారు. ప్రత్యేకంగా చిత్తూరు కార్పొరేషన్, బద్వేలు మున్సిపాలిటీల్లో మహిళా అభ్యర్థులను ప్రకటించారు.
బీసీలకు 44 శాతం స్థానాలు
సామాజిక వర్గాల వారీగా పరిశీలిస్తే 36 మందిలో 16 మంది బీసీ అభ్యర్థులున్నారు. అంటే సుమారు 44 శాతం స్థానాలను బీసీలకు కేటాయించారు. బీసీ, ఎస్సీ, ఎస్టీ, మైనార్టీ వర్గాలకు చెందినవారు మొత్తం 22 మంది ఉన్నారు. వీరి వాటా సుమారు 61 శాతం. ఇందులో ముగ్గురు ఎస్సీలు, ఒకరు ఎస్టీ, ఇద్దరు మైనార్టీ అభ్యర్థులకు చోటు కల్పించారు.
26 ఏళ్ల యువతికి అవకాశం
అభ్యర్థుల వయసుల విషయంలోనూ కొన్ని ఆసక్తికరమైన అంశాలు ఉన్నాయి. మొత్తం 36 మంది అభ్యర్థుల సగటు వయసు 45.7 సంవత్సరాలు. వీరిలో 16 మంది 45 ఏళ్లలోపు వారు కాగా, పది మంది 40 ఏళ్లలోపు వారు.
రాజంపేట ఛైర్‌పర్సన్ అభ్యర్థి డాక్టర్ దొంతం గాయత్రి వయసు కేవలం 26 సంవత్సరాలు. జాబితాలో ఆమె అత్యంత పిన్నవయస్కురాలు. విజయనగరం మేయర్ అభ్యర్థి భార్గవి వయసు 31 సంవత్సరాలు కాగా, విశాఖపట్నం మేయర్ అభ్యర్థి ముక్కా శ్రావణి వయసు 32 సంవత్సరాలు.
మిగిలిన మేయర్ అభ్యర్థులు ఎప్పుడు?
కూటమి పార్టీల సీట్ల సర్దుబాటు ప్రకారం 11 కార్పొరేషన్లలో తెలుగుదేశం పార్టీ పోటీ చేస్తోంది. తొలి దశలో ఎన్నికలు జరగనున్న పది కార్పొరేషన్లలో ఏడింటికి అభ్యర్థులను ప్రకటించింది. గుంటూరు, ఒంగోలు, మచిలీపట్నం మేయర్ అభ్యర్థుల పేర్లను అక్టోబర్ 17న ప్రకటించనున్నట్లు పార్టీ వర్గాల సమాచారం.
అలాగే మిగిలిన మున్సిపాలిటీలు, నగర పంచాయతీల అభ్యర్థుల ఎంపికను కూడా పార్టీ పూర్తి చేయాల్సి ఉంది.
మొత్తంగా టీడీపీ తొలి జాబితాలో మహిళలకు 53 శాతం, బీసీలకు 44 శాతం స్థానాలు దక్కాయి. ముఖ్యమైన పట్టణ స్థానాలకు అభ్యర్థులను ప్రకటించడంతో ఎన్నికల ప్రచారానికి పార్టీ సన్నద్ధమవుతోంది.
also read: పల్లకీ మోయడమేనా?.. సీట్ల సర్దుబాటుపై జనసేనలో అంతర్మథనం!
1 comment